سلام ياللي معجب بالسمينات أحلى من البارد أذا صرت عطشان

السلام عليكم

صباحكم/مساكم بالخير والمسرات

السالفه ومافيها نبي نطربكم معنا بالشعر الفكاهي مالكم بالطويله يقول

ياحبيبي شوف خييك في خطر مبتلش ياخوك في أمرن خطير

ضاعت المعزى لها أكثرمن شهر وأنا أدور لها على ظهر البعير

غصب عني عيني تهل العبر يوم أشوف الشبك والماء والشعير

من بعد معزاي عايش في قهر لا لبن عندي ولا عندي مضير
__________________________________
صدمت الحبيب وصدمتي من حبي الروح سلوك الكهارب لجلها جيت صادمها
صدمت متعمد لجل يظهر لي المملوح أبيها تشاهد صدمتي لين أكلمها
______________________________________
أمس العصر في تالي الليل ونيت ونت غريبن سا كنن وسط داره
على الذي خده كما حفر الزيت أقصرمن الجربوع طول المناره
______________________________________
سلام ياللي معجب بالسمينات أحلى من البارد أذا صرت عطشان
لحم وشحم وكفوفها كالمخدات والردف طعس ماوطا فيه أنسان
______________________________________
ياطير لاتجفل ترى ذاك قـرطاس أرجوك دله خاطري لاتروحي
ضحكتني يومك تلخبطت منحاس أثرك مغفل ما تعرف المزوحي
______________________________________
مرحوم يابسن على الخط مدعوس اله ثلاث ايام محد ادرابه
اللي من أول حاكمن خمسة أبسوس واليوم عند الله يصفي حسابه
______________________________________
عان الدجاجه يدّرج جوفها الصيخ أصبرعليها لين يصخن ظهرها
شغل الهنود أهل الدوم المواصيخ أخير من ناس عشاك يعسرها
______________________________________
ياراكب اللي كن شمعة أصطبه جمر الغضا اللي يشعلونه على الكير
سواقة اللي رخصته جوف عبه ما هو من اللي يصدمون المواصير
______________________________________
يراكبن من عندهم فوق جالون جالون زيتن بالخلا لاقطينه
جالون سوبر شل ماهو بكرتون فوقه علامة تاج من صانعينه
______________________________________
ياطير ماتعطيني الجنحان وأعطيك وأعطيك أنا البدله الابرقيه
يا طير ماش تعب ولا انقريه مغير لفتن في الأحياء كل أضحويه
______________________________________
ياقرب واشنطن ولندن وباريس حذفه عصا للي رصيده ملايين
ويا عز حالي للرجال المفاليس اللي تضايقهم وجيه الديايين
______________________________________
يا ونتي ونت الجربوع اللي مجازا من الفارة
أخذ مطبق جزاه إسبوع إسبوع مافكّ بسطاره
______________________________________
يا ونتي ونت الجربوع أربع دداسن توطنه
يوم ألتفت لقا الذنب مقطوع ومن القهر جرها وته
______________________________________
يا ونتي ونت الجربوع إلي معلق بكرعانه
أخذ معلق سنة وأسبوع ويتلافون فيه ورعانه
______________________________________
القلب غدا كرسي حلاق مدري دلع وألا متعافي
كل ماؤقت هذي وطاق مرني مزينون وقلت ياكافي
______________________________________
مرحبا ترحيبتن تسبق الفار لاصار مع دربه ثلاثين بسه
______________________________________
يالعنز لاتبكين والتيس ماجود كثرالبكا يالعنز ياثرعلى التيس
______________________________________
ياونتي ونة اللي يضلع من برطمه اللي اليا مشى طاح واليا قعد قام
______________________________________
يابس يلي مندعس بالبراميل ما شفت خلي يوم يرمي الزباله
______________________________________
ما أنساك لويسكن ولد كلينتون بطريف ويسرح اوباما بالغنم حول رفحا
______________________________________
ياحبيبي من حبك ماأنام الليل ولاجا الصبح أصك أمها نومه
______________________________________
دموعي من الغارب على منكبي تنهل تسابق دموعي لين وصلت عراقيبي
______________________________________
البارحه يوم الخلايق نياما سميت بالمعبود ووطيت راسي
______________________________________
ياونتي ونت كسير العصافير والا غرابن عاشقن له حمامه
______________________________________
راحت وقالت بتجى عقب يومين يلعن أبوها صدقتنى وراحت
______________________________________
ولا ك يا محماس قيب الطويسة داير أنا أشرب من حليب المغاتير
______________________________________
القلب بوري والليالي دركسون والناس موقف والنشاما محطات
______________________________________
ياراكب اللي يحفر الأرض تحفير يشبه دبيب النمل مع ناعم الساق
______________________________________
ياجمس روح وخل ممشاك جلدي مصيرأنا وياك ما فيه معلوم
______________________________________
يامحلا الببسي على واهج النار وفنجال بنن باردن مثل راعيه
______________________________________
يا صاحبي جعل الجراده توطاك ولاصرصور لابس له كنادر
______________________________________
شوقي عليكم شوق شايب على الشوؤن يبغى المعاش وضيّّع التابعيه
______________________________________
قدرك كبير وفوق روسنا رفعناه عشان نوديه للمطبخ ونطبخ به عشانا
______________________________________
أمس الضحى في تالي الليل ونيت ونّت مريضٍ مابه إلا العوافي
______________________________________
حنا بني هنود لاصار جنجان سلاحنا تمبول وقرون فلفل
______________________________________
ياراكبٍن من عندنا فوق قم طس وأخير منها قم تقلع وفارق
______________________________________
البوك فاضي والمعازيب قشران والقلب ضايع والمره عند أهلها
______________________________________
فقع قلبي ثقل طينك ومع شينك طويل لسان تغلى ليش من زينك تحسبك قايد الغزلان
______________________________________
عدو عيني مثل صدام عقب الزعامه يجرونه ياحول وجه الرجل منظام عدوعينك يعادوني
هههههههههههههههههههههههههههههههههههههههه

تحياتي لكم فروووحه